Sabi nga nila ang relasyon na walang tiwala ay parang isang kotse na walang gas, pwedeng pwede kayo manatili pero walang mapupuntahan.

Mahirap magtiwala lalo na kapag nasira na ng ilang beses yung tiwalang yun. Pero ano bang magagawa mo? Magtitiwala ka ulit o hahayaan mo nalang na mawala yung taong mahal mo?

Yung relationship na meron kami ni Jerome, forgive and forget. Ilang beses na nasira yung tiwala namin sa isa’t isa pero ilang beses na din namin kinalimutan yung mga bagay na nakasira sa tiwala namin sa isa’t isa. Kasi wala namang mangyayari kung mananatili kami sa nakaraan.

Mas masarap nga sa pakiramdam yung sa dami ng problema na pinagdaanan niyo, okay na okay padin kayo hanggang ngayon. Minsan nga pag naguusap kami ng seryoso, binabalikan namin yung mga problema namin dati tapos makikita nalang namin yung sarili namin na nakangiti. Madalas sinasabi sakin ni Jerome, “ang dami na pala nating napagdaanan no? pero tayo padin hanggang ngayon.” tapos pag sinasabi niya sakin yung mas lalo kong nararamdaman na ang swerte swerte ko na sa taong ‘to. 

Hindi madali samin yung college life. Andyan lahat ng peer pressure, mas dumami yung tao sa paligid naming dalawa at nawawalan ng oras. See? Mas mahirap magtiwala pero ako ang ginagawa ko iniisip ko yung mga pinagdaanan namin. Ngayon pa ba ko susuko? Eh ang layo na ng narating namin :)

Ikaw mananatili ka ba sa nakaraan o matututo kang magpatawad at magtiwala ulit? :)